論鄧校長政策得失
鄧校長由上任到宜家，推行o左唔同的政策，不斷改善學校的設施同課外活動的種類，但lee d咁的政策有好有壞，「好」的方面在網主「我們的校長」裏面已經講得好清礎，但係我就想就o番o個幾方面o黎講下佢所推行政策所忽略的地方。
一、論鄧校長的課外活動政策
校長不斷增加學校的課外活動，但係又唔減少教師的工作量，攪到d老師除o左開o個d教務會議同教書改簿之外，仲要顧埋o個d咁的課外活動。整到宜家d先生好似正職變兼職，兼職變正職咁。
學校又將係家長o個度收o番來的o個d所謂的課外活動費，唔公平咁分配，學校要發展的重點課外活動就分多d錢，但係唔係重點發展o個d呢，就少好多啦，攪到宜家除o左收課外活動費之外，有d學會仲要向d會員收埋會費tim，其實課外活動費收唔收都罷啦，好似以前咁淨係d學會向會員收會費咪算law。我地的課外活動，多人入的會又要「西」d人出來，o個d人「西」去邊呢？咪「西」晒去o個d無人入的學會o個度law！而o個d無人入的學會又因為唔夠會費，而向o個d被迫入會的會員收會費，之前都話o左啦，佢地都唔鍾意o個個學會，仲邊度會去o個個學會所舉辦的活動先得ga，所以呢，佢地就成個學期都係度晒緊佢地的課外活動費啦！個校長就為o左係外邊同人講：「我地學校好多學會架，每個學會都好多人tim！」lee一句咁威的說話，就強迫ｄ學生入ｄ佢地唔想入的學會，真係自私！
二、論鄧校長對提升金記名氣的政策
校長係lee一方面都好落力，但係我就唔係咁讚成佢所用的方法啦。佢成日參加埋o個ｄ優質教育計劃丫，又參加傑出教師選舉丫，傑出學校選舉丫等等。係我講點解我唔讚成佢用lee d咁的方法提升學校校譽之前，我要講一樣野啤你地聽，就係我地學校以前係香港的名氣唔差，即使轉o左做中文中學之後一段時間，個名氣都係不跌反升，即使係宜家老一輩的人，你係佢面前講起你讀金文泰中學，人地都會話一句：「你讀金文泰中學丫，嘩，名校來ga wo，係咪好難入ga？」反而，張祝珊就唔同，佢淨係在lee區度威，係其他區呢？你同人講你讀張祝珊，人地可能都唔知lee間係乜野學校tim！
講咁多上面野做乜？你地係咪會話無用呢？但係我同你講，在不久的將來，你地將唔會以係金記校友為榮（如果仲係佢做校長，兼且繼續沿用宜家的政策的話）。點解？因為佢淨係識得用o個ｄ咁的方法提升校譽，但係宜家的家長除o左睇外表，睇獎項之外，仲會睇埋成績，甚至將成績放係首位。點解皇仁書院丫，華仁書院丫，或者沙田官中咁出名o者？咪因為佢地成績好，出來社會之後出產的名人多law，黃霑、孫中山等的名人全部出自o個ｄ名校，仲唔止一個，係幾十個，甚至幾百個幾千個，總之數之不盡！而金文泰呢？以前就有好多，你去中大o個度，分分鐘搵到的中大教授都係金文泰的，但係到宜家已經七零八落，點解？宜家社會以英文為主流，我地學校仲要以中文作為教學語言，仲唔此lee樣，個校長淨係識得靠law獎來提升校譽，但係佢有無lum下，在宜家lee個咁的環境，改變的唔單止係外在美，仲要改變埋我地的內在美呢？學校的外觀好又有咩用？最多咪令到教學環境舒適ｄ，但係學生的英文程度依然無改善，要改善學生的英語水平，首先係要提升低年級的英文老師的師資。其實英文的底係在低年級o個度打出來的，並唔係在高年級o個時，你話升幾多就升幾多。其實我地學校只要改善到我地學生的英文水平，咁我地步向名校的目標就會近o左不知幾多，邊似宜家咁，你話你係名校，但係人地o個ｄ就話你唔係。
有一樣野我仲想批評學校的，就係參加埋o個個咁的傑出學校選舉，其實lee個選舉，全港學校的參與率少過一成，甚至傳統名校好似皇仁書院等都無參加到lee一次的比賽，lee個比賽的代表性都啤ｄ傳媒質疑，law唔law到獎都無乜所謂！何況，我地學校係lee個比賽度用o左咁多人力物力先至law到lee個「校風及培育」咁無代表性同咁微不足道的獎項，簡直係令人失望！
三、論校長搜羅資金發展校舍的政策
在學校校舍度加入高映機、個人電腦等無疑可以改善教學質素，但在每一個課室加裝電視我就有所保留啦。一來對教學無乜幫助，二來一部咁重的電視只係靠一枝鐵住同四粒螺絲支撐住，安唔安全都係一個疑問，之前有一部電視已經跌o左落來，對學生的安全已經構成威脅，但學校只係搵人對每一間課室的電視檢查一次，就當係解決o左個問題，似乎對學生的安全莫不關心。若果只係檢查一次就可以解決到問題，咁lee個世界上好多問題都唔會有啦！
學校係校舍旁邊起樓，話可以改善學校班房短缺的問題，又多一個訓導主任室，多用途教學室等，但係佢有無lum下用lee d錢來做下其他野，例如開多ｄ英文班啤ｄ英語水平未達到標準的同學讀，或者用來改善教師的質素都好過起多一幢樓丫。再者，香港經濟不景，點解唔將ｄ錢改善下民生，而要起一幢咁無謂的樓呢？其實佢可以起多幢樓，不如起一幢小型圖書館，入面有自修室同室內運動場，開放時間由朝早九點到夜晚九點，既可以啤學生有一個舒適環境上體育堂，又可以係無人上堂的時候租出去（啤人book場），而且優惠本校學生，本校學生可以享有半價之類，咁既可以賺錢，同學又有一個舒適的環境上堂，一舉兩得。而且在學校附近又無其他自修室，無競爭之餘又可以賺錢，咁影印費咪唔使咁肉酸咁同ｄ學生收，而可以係o個度幫補一下law！
四、論校長在推動重點活動方面的得失（補充第一點）
對於學校祇將金錢放在重點發展的項目方面，除了對其他學會產生不公平的情況之外，還有一樣，就是是物超所值、物有所值還是跟本一文不值呢？錢，花係羽毛球隊身上可謂物有所值，因為每年他們均獲獎而回，而女子隊已是連續四十五年（或以上）取得團體總冠！反而，將資源放係音樂學會上卻不值得，雖不可說是一文不值，但比起羽毛球隊來說，就是不值得。以前甘慕勤老師係度教音樂o個時，雖然無好似宜家咁咁多樂器學，但係學得多，代唔代表你就精係o個度呢？未必，以前金記間唔中都會law下ｄ合唱獎項，但係自從刁sir接手教之後，我地學校就從此同lee一個獎項無緣啦。其中一個兼且係最大的原因，就係佢做野太唔識預時間，樣樣野都攪到最遲來做，令到合唱團唔夠時間練習，咁就梗係會輸啦。第二，係刁sir的教學方法令到ｄ學生對音樂無晒興趣，就算係有興趣o個ｄ，都係以前一直培養或者受人影響而產生興趣，絕對唔係刁sir的功勞。佢o個次得到傑出教師，絕對唔係佢自己的功勞，佢教書教得一ｄ都唔好，施老師、李太等o個ｄ教得咁好的老師law lee個獎我一ｄ都唔會反對，但係對於刁sir law lee個獎我就有所保留。就音樂而言，佢同校長就可以話係同一類人，兩個人啤我的感覺都係一樣，就係兩個都鍾意威！！！我曾經係一次全校集會o個度聽到刁sir對ｄ中一的新生講o左一段大意係叫ｄ人一新生參加「一人一樂器」計劃，佢講到ｄ語氣係好似強迫ｄ人參加佢lee個不知所謂的計劃。講就講到好好聽，好似唔使錢，話係分期付款，唔係好貴，學下樂器對人有益。佢自己有錢就話o者，ｄ學生唔係個個都咁有錢，佢講到咁鬼要脅，ｄ中一生你話會唔會參加lee個咁無聊的計劃丫拿？可能係一個月啤四五十蚊，但係都唔係個個啤得起，可能有ｄ人都屋企窮，你要佢啤咁多錢，分分鐘祇係可以食白飯先至夠啤。佢咁樣屈ｄ學生就真係唔o岩，佢想人參加咪佢自己出錢幫佢地買law，佢出口就人出錢，佢真係好過份law。唉，唔好意思，論論下校長的政策都要論下lee個咁的死人刁sir的賤性格！有次我星期六返學，發現o左一樣野，就係個刁sir帶o左佢成家返學，仲要係禮堂o個度tim！我地學校一向都唔啤ｄ唔係lee間學校的人入o黎，佢就可以運用特權叫晒佢ｄ屋企人入來學校，佢都算好意思law。仲有丫，佢帶佢老婆丫、仔仔女女返學丫都無所謂啦，點知我仲見到佢連屋企的菲傭都帶埋返來，話照顧佢的仔仔女女wo……哈邊有ｄ先生咁ga。
五、論校長玩數字遊戲
校長的數字遊戲，無非係想ｄ家長安心，但係是唔是真係有用呢？我可以同你講：唔係！你係校內考試加分又點丫？ｄ同學係出面的公開考試唔合格係咪同樣可以加分？唔係丫ma！人地學校學生唔合格要補考，我地學校加分就算，係咪加o左分之後佢地的程度會高o左丫？係咪代表佢地符合升班的要求丫？其他科目加分尚可，但係佢連英文lee一科都要加分！佢有無lum過，點解ｄ人英文會唔合格丫？我地中文中學出的英文卷，啤ｄ英文中學的做，人地ｄ學生得到幾多分，你ｄ又會得到幾多分？點解人地多數合格，而我地就會唔合格呢？打好個英文底最重要的係初中的時候，佢初中的底都打得唔好，點可以升班呢？初中的底又點解會打得唔好呢？校長就係無lum到lee個問題，先至攪到ｄ學生出去考公開考試合格率咁低！我可以同佢講，佢係低年級的時候啤ｄ咩師資來教ｄ學生，到公開考試的時候就會有ｄ咩成績！佢將ｄ好先生放晒去教高年級有乜用？低年級學的係英文文法，高年級要學的係作答技巧，到高年級，ｄ先生就唔會咁著重教文法，唔係我地學校，就算其他學校都係！但係人地係中一至中三個英文底打得好，咁高年級專攻作答技巧就得。我地學校唔係，同ｄ家長玩完數字遊戲之後又無實行任何補救措施，例如舉辦一ｄ英文補底班，幫一ｄ經過加分之後合格的同學補底。學校唔單止無咁做，仲要將ｄ責任推卸係公開試成績特別好的化學科！我可以講ｄ人專攻化學的原因，第一，化學係中三的時候學的野唔多，就算全部係中四教都無問題，通常ｄ先生係中四都會教o番中三的野，所以中三所讀的、所吸收的化學知識對中四、中五出來的成績係無任何影響！第二，英文靠個底，但化學就唔使，加埋我地學校兩個教化學的老師都教得好，年年七八個A不在話下，就算合格都唔成問題。但係英文係咪你讀完之後就可以保證你會合格呢？唔係，你就算放大部分時間去讀英文，少部分時間來讀化學，出來的成績化學都會好好多，所以英文考得差根本唔關化學事。
六、論增加學生對學校歸屬感的政策
學校連留係學校都要另行申請，雖則話試過有人偷野所以先至實施，但係佢在明，你在暗，任何野都係防不勝防，仲有教員室等已經加裝o左鐵閘等，保安等都已經加強，根本規定學校幾點鐘要關門，如果ｄ學生仲唔走的話先至申請都可以啦。至於羽毛球隊係學校練波係必然，係出面練要啤錢，但係學校練就唔使，道理咁簡單仲要講咩，同樣，練樂器亦都係因為場地問題，先至係學校練啦，唔通叫幾廿人去一個同學屋企練咩，你估佢係李家誠個仔丫！
七、論換校服政策
校服係一間學校的標誌，每間學校都有佢自己的校服。校長換校服的原因其實得一個，就係有次佢同一班學生出席一個公開活動，ｄ學生係要著校服的，但係o個幾個學生都無校章（o個幾個係o個時全部係讀中四，即係低我兩級），攪到校長覺得面目無光，咁先至話換校服。換校服都唔止，仲要抄埋人地o個套，我地學校的學生的各款設計佢都話唔好，攪o左個全校投票，選出佢地最鍾意的校服，之前講好邊個law冠軍就用邊個o個套來做校服，但係選出來之後又話唔好，結果自己設計，唉，邊係佢自己設計丫，咪又係抄人的，仲要抄聖保羅男女的校服，講名氣，佢又好過你，講實力，佢都叻過你，著起來咪攪到自慚形穢！咁都唔止丫，套校服仲同對面o個間聖彼德幼稚園差唔多，真係笑都笑死人啦，中學生著小學生都不如的校服！lee個淨係識得要面的校長真係無鬼用，姓丁o個幾條友就好心拉去打靶啦，校長又偏心唔罰佢地wo……啤我就一人記佢地一個缺點！！！
八、論學校的其他作風
校長不斷強調我校係一間增值學校，雖然中文等都係增值，但係社會上面睇英文的成績係重過睇其他科（包括中文），所以英文減值先係校譽的致命傷。佢淨係識得講英文減值，但係又唔lum下點解會減值wo……係先生的問題？學生的問題？哈！我係上面已經講得好清礎ga
la，我地學校英文唔好係因為初中的時候英文師資差，令到同學的英文根基弱！
此文乃由一名2002年中七畢業的學生編寫,並不代表網主或五忠紀念網立場
此文的作者亦並非2000年度五忠班的學生.
再看回網主所撰寫的"我們的校長"
2002/5/29