第二朝一早就天光了，亦係時候搶廁所，刷牙洗臉，等到站的時候了，見到兩邊都是農田，又有慢慢升起的太陽，其實都幾靚ｏ架！到ｏ左 湖南長沙火車站之後又要趕係幾分鐘內落車，ｏ吾係的話ｏ架火車又會開去第２個地方。落ｏ左車之後就見到當地共青團（？）安排的歡迎我們到訪的學生。今次接待我們的就不是地主階級啦，原來係．．．都係一陣間先講。我ｏ地 其後穿過火車站月臺到火車站外廣場的隧道，再穿過好鬼大的火車站廣場，然後再經過沙塵滾滾的一條新隧道，到達火車站對面一個小小的停車場，然後才有旅遊巴接我們去酒店，唉！真係發神經，叫我ｏ地一大群人一袋二袋行成10分鐘才到旅遊巴停車處，今時今日ｏ甘ｏ既服務質素，唉！

＊＊＊＊＊＊＊＊＊＊＊

"特別報導：火車相機失蹤驚慌記" [稍後補上，總之我係ｏ吾可以ｏ吾夠時間睡，否則．．．]

＊＊＊＊＊＊＊＊＊＊＊

韶山毛澤東銅像，拍攝日期為８月２日 12:30pm

去到間酒店就更得人驚啦，Wa！ 個大堂除了reception 個價目表及counter還有點似三星級酒店外，似乎招待所都無ｏ甘差wor！一入到去「氣味」芬芳，又有川流不息的「人工滴水」系統在洗手間/電梯大堂/樓梯之間從天而降。落一層樓梯到o左飯堂(當然係一間酒樓)，ｏ的ｏ野食凍ｏ西，又有飛來飛去的不速之客，賣相已經夠差，香港的小姐／小男們又點會食得落呀！這時，那些湖南接待的同學又開始自我介紹的時間，原來他們都是在長沙某間大學讀書的長沙人，但奇特的旅程就在此開始了，他們竟然跟我們說油炸鬼、白粥、饅頭、茶蛋等食物你們係香港係ｏ米好少食，來到湖南記得食多些。依我所見，ｏ甘多日湖南之旅，有約一半成的食物係香港都算相當普通的食物，餘下的一半中，有一半係香港亦是可以食到的，只有很少係香港從未見過。他們（一男一女）這樣一說，真的令我有點又驚又訝！ 食完ｏ野之後，我們又拖著已經超過1天，無得換衫，無得沖涼的身軀，去韶山毛澤東故居「朝聖」！點解叫「朝聖」呢？因為真的「聖地」來的，導遊小姐跟我們講了很多毛澤東如何有靈性的故事，更說我們走到一定要向毛澤東神像．．．呀！不是應該講是「銅像」鞠躬之後先好走呀，ｏ吾係ｏ既話．．．好似之前有位不知什麼官員就是因為無鞠躬，就云云．．． 不過去到毛澤東銅像，他們才露出真正，「為金錢服務」的本質，竟然拖ｏ左一輪都不讓我們下車，究其原因原來係無去購物點購物wor（這點係返ｏ左香港開檢討會才知，當時我們在車上只有呆等，那些急去toilet的同學幾經交涉，導遊們仍無法找到廁所去）！結果幾經交涉（順便講講這個交流團好厲害ｏ架，不止中學生／大學生去，連全國政協等貴賓都自組一團跟著去ｏ架，但係旅遊質素仍然係．．．唉！），最終我們才先獲安排去參觀毛澤東故居先，然後再去毛澤東銅像影相。正當湖南電視台都來影我們係毛澤東銅像影相留念後，當地旅行團竟拿出調虎離山之計，安排貴賓團去另一個景點參觀，然後將我們這些窮苦學生與地主階級學生送到購物商店購物，香港領隊一見到就落車發火用不知是什麼的所謂廣東＋普通話去罵當地Tour guide。我們這個團人數較多，但架車都有安排對講機，但係另一個景點實在太遠了，超出3km範圍，因此貴賓團完全不知我們被人點樣搞，最終又幾經交涉才離開購物點，返回長沙。(途中有食一餐飯，但係確實時間好似ｏ吾係好記得，個餐飯都係好搞笑，竟然每個桌上都放了可樂和啤酒，真係傻ｏ下傻ｏ下！）

返回湖南長沙省會後，我們去到湖南電視台參觀，那些電視台職員和我們某某、某某主播有幾紅，我們成個團都無多少個聽得明，anyway我最印像深刻的是他們那個所謂全中國第二大的錄影廠殘舊到．．．而那個福利彩票（即香港六合彩）攪珠機一樣殘．殘．殘．．．果然電視效果和現實好ｏ吾同。其後我們被安排那間電視台出資的樓盤（剛好在電視台旁邊）銷售處參觀，參觀完之後就去湖南電視台樓盤中間的豪華會所ｏ既五星級酒店內，傾聽湖南省省長接待我們的吹水會，正當大家意為今晚可以係度睡一個覺，又或者起碼食一餐飯時，原來只係去這處飲杯茶，然後我們就被送番早上去過的「芬芳」酒店，check-in入房。

食過晚飯後，由湖南的同學帶著我們夜遊長沙，那時論到我又gap埋，詳情在此就不講啦！他們（分組）帶ｏ左我們去行街，各位團友都話想食當地食品，行ｏ左一陣到無ｏ野食，結果他們就帶我們坐計程車去不知什麼鬼地方食ｏ野，途中發現．．．ｗａ！周圍到係ＢＭ＄３０．．．（下刪一百字）的廣告牌，而且中文之外，連韓文都有，估不到湖南都Ｏ甘「OPEN」！Ｏ甘又係，如果無Ｏ的Ｏ甘Ｏ既Ｏ野，點樣吸引更多旅客「夜遊」呢？哈哈！

到O左間食肆(既非大排檔，但係到差不多的一間Ｏ野），外面又無位，結果拉Ｏ左我Ｏ地入房，兩位湖南同學叫Ｏ左一大堆Ｏ野食，送上來才見到，ｗａ！又有螺，又有河（龍）蝦，又有尤魚，又有．．．實在太多ｏ野啦．．．差不多全部都係辣ｏ既，那些團友真係扮ｏ野，初頭入到去叫雪碧飲，有一兩個叫啤酒飲，搞ｏ下搞ｏ下變成勁飲特飲，又話未飲過啤酒，然後飲一大枝。ｏ吾食飲啤酒更係中計啦，群眾壓力下最後一啖飲ｏ左三/四分之一枝左右的啤酒，出事啦！初頭都ｏ吾覺，返到酒店成晚個肚到ｏ吾舒服，又成身酒氣，真係ｏ吾明勁飲特飲有什麼好。

anyway，食完ｏ野〔ｏ的野差不多值一個人＄２０，好貴！〕，湖南的同學又請我們食檳榔，話當地特產，其實食落又ｏ吾覺得有什麼好食ｏ者，可能真係像香港領隊第二日同我們講一樣，檳榔都係靠咖啡因才多人食。

---

Aug 3

ｏ吾知係ｏ米酒氣太勁，實在太累，平時一叫起身就ｏ吾會再睡的我竟然morning call起ｏ左身聽電話後再睡回去。結果搞到遲些45分鐘後才醒，一望手錶，ｗａ！身為組長的我竟然遲到，我的同房（平叔）當然仍在sleeping中。好在之前一晚執好ｏ野，洗完臉，刷埋牙就即刻衝出走廊。好在！其他房ｏ的人都未搞點，之後我即刻飛落飯堂和落ｏ左去食ｏ野的組員交代一聲先，然後又要飛返房叫人落去食早餐。此時才發現拖鞋留ｏ左係房，我ｏ呢個好少周圍留ｏ野的人都留ｏ左ｏ野，真係睡到傻ｏ左！

我們ｏ甘早起身，去了有古屍（女屍）睇的長沙馬王堆（博物館？）參觀，去到門口竟然又要交涉，旅行社又賣我們豬仔啦，聽返香港的檢討會所講指出原來最後要全國政協藍ｘｘ出面，出讓我們入來參觀，唉！中ｘ旅行社服務真係差，大家以後都係不要幫襯啦！條古屍掘ｏ左出來之後，大陸根本無能力保存它，只能慢慢的讓它腐蝕，只是二三十年時間，條古屍原掘出來的彈性就無ｏ西，古代漢朝的屍體保存技術真厲害，依家的科技都追不上。除了古屍外，ｏ呢個博物館還有好多古物展出，而且ｏ呢個博物館亦係整體行程中參觀算最完整的地方，亦係其中一個令我覺得值得去的地方。

去完博物館後，我們就要離開長沙，湖南的同學們亦要離開我們了。我們要坐成日車去張家界，途中會到常德睇桃花園。ｏ呢日中午個一餐飯都算令人難忘，點解呢？因為熱到傻，間餐廳位於桃花園門口，開盡冷氣到熱到傻，ｏ甘又係，傳聞外面成４０度，點會ｏ吾熱呀！其後就行入去桃花園參觀，原來要行山，竟然之前無和我們講，叫我們帶定防曬工具，水又無叫我們拿多幾枝，真係靠害！行山都ｏ吾係問題，行到亂ｏ西龍先係大問題，竟然有２個組友自已頂ｏ吾順行ｏ左落山而無人知，問題係我們出發和到達是在桃花園的兩個入口ｏ架，好彩那２個團友落番山時，ｏ架旅遊巴還未開出，否則他們兩個後果真係．．．

就算行到上山都得人驚，竟然叫我們穿過兩個燈光昏暗，又滿佈分支暗路的穿山隧道（約五十到一百米），條隧道又濕又暗，係裡邊出什麼事都有可能，非常危險！結果行過ｏ西之後竟然要行一段回頭路才可以到另一個入口離開，真係ｏ吾知他們點搞。

值得一講的是在門口時我們買一把扇要＄５，上到山竟然更便宜，只要＄２，而且越上得高，價錢越便宜，ｏ吾通拿上去賣不用ｏ西多一些人工嗎？真奇怪。另外，一路行上山，都會見到那些紀念品專賣店旁邊有人整辣椒。還有一樣ｏ野要提ｏ下，就係去到湖南，我的中聯ｘ一咭兩號電話卡竟然打不出去，只有接到香港的電話，果然夠深山野嶺。不過係這些地方大多數情況都收到４格滿，似乎真係非城市地帶建發射站比較容易。

好，講番個團先，去完桃花園後，我們繼續坐車，坐ｏ左好耐之後，終於到ｏ左油站可以去toilet了，我那團的同學中，有幾個就然ｏ吾識死，走去油站對面間餐廳買外賣，見到那種係路邊車來車往的情境，真係佩服她們買飯食的勇氣。一盒炸魚仔飯就收成$15，真係好賺。

黃昏時，旅遊巴終於入ｏ左張家界的外圍的慈利縣，有一點差點不記得，我們途經這個縣時，見到間酒店叫「慈姑大飯店」，真係搞鬼！一入Ｏ左張家界後就見到周圍一直上山之餘，旁邊的山景亦和香港的很不同，簡而言之，就是桂林的高原版，桂林的山是很isolated的，但張家界就「連延不絕」lo。

結果坐到晚上８點才去到張家界市內其中一個城區，這處的酒店算是ｏｋ的啦，不過另有下聞（＄４００事件），等陣再講。去到酒店記得當晚係亞洲盃足球賽，中國對伊拉克的比賽，睇住中國贏得驚險，唉！沖完涼之後，又要落去和其他團長們開檢討會，一睇見當地鎮長，旅遊局長的講ｏ野技巧和香港的那些商人的講ｏ野方法，又要唉多次啦！

我最後就當然係坐ｏ左成日車累得滯，睡覺啦（開完會都１１點幾）！我的那些團友就ｏ吾係啦，晚晚去交流團夜夜停不了，年青人果然不同（我可能老lo，ｈａｈａ！)

Aug 4 (2005年1月23日續寫)

由於太遲才繼續寫這個回億錄，因此細節野已經全部忘記了，希望我無記錯大件的事的發展過程。

首先，8月4日一早起身就有一個morning call，然後有一個morning留言話當日可能會有雨。(時間約６點幾)

初時我身為組長都無留意，但係見隔離組組長有叫人帶雨具就順便叫人帶啦！

跟著就去食早餐，然後去距離酒店數分鐘車程的景區入口處。

一到景區入口處，又係大混亂的時候，o的人亂o甘排隊，成日打尖，結果不知拖了多久才去到門口，個門口有一排手指模機...那種景區二日門票是要逐個逐個人去按手指模進入的，每一個指模機都有一個女仔幫你按你著手指落部機，因為按唔實，部機detect唔到的。不過，此時的我想起一個問題，大家的手指是否這麼乾淨呢？數以百計的人按過的機，究竟會有幾....

↑我和另一個嶺大的同學(大我一年的CAPA同學) :曾永佳在坐電梯前隧道之外合照

入到去，即刻要排隊坐所謂的環保車上山，那些環保車，其實只是普通的柴油巴士，不過為了壟斷景區遊覽車市場，因此景區只限自已公園的車載我們上山。之後我們坐上十多分鐘廿分鐘(睇番相片拍攝時間，此時只是8點正左右，真係早！)去「百龍電梯」這個點，準備坐電梯上山，不過由落車點去電梯要行一段樓梯，兼再穿過一段相當濕涼的隧道。去落車點附近的廁所都幾特別架，我記得有音樂聽架！落車點附近有個售票處，原來坐電梯是要另外俾錢，價錢約５０－６０元（我不記得了，早知當時影低） 之後在8:43-8:45坐電梯上山，據報該電梯有成數百米高，但只須坐三分鐘就到，而該部電梯是雙層設計的。之後早上的行程就相當沉悶了，來來去去都是行山、影相、坐車一個點去另一個點。 較特別的是下方11:02am影的即席整糖示範，睇完示範後，去等坐車時，見到周圍都是韓國人，那些韓國人聲大夾惡，打尖程度和祖國同胞直頭有得揮！那些韓國人大多數是中老年者居多，有男有女。在這一個點排隊等車好似等了４５分鐘。

之後去左食飯，今餐是自助餐，是一個應該係$2X的自助午餐，那些飯菜味道真係相當... 唉! 不過都算，反正出門在外，尤其食一ｏ的野就算，但係最大的問題係原來個團理應安排食廿多元級數的餐，點知我那一個分團被人賣豬仔入去食十幾元級的餐。雖然菜的款式相若，但係食ｏ既人就差得遠，最cheap那個級數食野的區域成日都很多人，成日o的餸都被人食o西。但貴少少那一邊就好好多。之後我地問番過導遊小姐，她說成個景區最好食的餐廳就係呢間架啦！她都都話無辦法，因為真係難食。此時見到那些大陸同學，很多都沒有食什麼東西就出去陰涼地方坐，個個手上都係手機短訊，那時真係不知短訊有什麼好玩？(輪到我有得玩的時候就知lo , haha!)

接著，我們去了賀龍公園參觀，好似賀龍係PRC開國有功的人，不知是否十大元帥。接著由於天色轉陰，兼且開始行雷，我們就決定提前走人，點知上左好多級樓梯，剛上到去個巴士站時就開始狂風暴雨，兩者加在一起，就好像香港八號風球ｏ甘，人在街上未必企得穩，相當恐怖。雖然我們身處的巴士站時有蓋的，但那麼大風，兼且個站又係依山坡以建，o的雨水從山坡那一邊被風吹入來。結果在那處呆等成個鐘頭， 期間和幾位東莞團友傾有關香港明星當紅情況，原來他們認為紅的香港明星，我們又會認為已經out，我們認為不太紅的新進明星，他們又幾清楚，真係奇怪！之後待雨勢轉弱，兼且所有要打尖的人都走ｏ西了，我們才排到巴士，正想去坐索道（纜車）落山的時候．．．

我和另外三個女仔係賀龍像前合照，由左至右，Rachel (HKBU)、嘉佩(澳門）及Betty(荃灣某中學生) [13:25]

導遊們與帶隊的團長等人，用對講機及手電聯絡到，話索道因大雨已關閉了，結果要我們去另一個地點坐小巴（之前所講的巴士，大部份都是單層大巴），然後再去返賣糖那個地方，再轉車去返電梯，即係原路返去。途中由於消息發佈相當混亂，兼且要轉幾次車，大家幾次差點走散了，真係恐怖，經常出現找不到某人，懷疑他上車去了第二度，點知原來仍未到的事件。

之後，去返電梯，一乘電梯，大家發現原來落雨的時候，是有另一番情趣的。

乘電梯時向下望，見到等巴士及售電梯票處

乘電梯是望向山

比較早上無落雨的時候

另一張很不錯的相

之後下午稍經疏洗，就要預備晚上的聯歡會。當晚的聯歡會在另一間酒店---湘水賓館舉辦，當地的電視台亦有派員採訪，不過那班團友照舊是用廣東話做official language，搞到坐在我隔離的記者經常問我台上說什麼。當日無端白事落雨，打亂左我ｏ的衫褲使用流程，搞到我唔夠褲著，點解呢？竟然去旅行之前無check清楚條褲既拉鍊用不用到，結果一穿上身時才發現大件事，唯一條後備褲竟然著不到，最後由於都係無褲著，唯有著住條拉不到鍊上台，幸好件衫夠長，兼且再帶多個bag在身前，總算只有一兩個人發現。不過，鞋就無那麼好彩了，個波鞋濕O西，唯有拉多幾個人，一齊穿拖鞋去個聯歡會，幸好人數夠多，總算無被太多人罵不尊重場合，hehe!

其實個聯歡會相當無聊，並沒有找當地的學生參加，只是當地的領導人睇我們這些香港/東莞/澳門/台灣學生玩。每一個分團都要搞一個show，我那團人就用左當日日間的經歷來做show，結果當然無其他學唱山歌的組那麼好啦！不過，總算hea過，hehe!而且我那組人不知道拿到什麼最佳劇本還是最佳女主角，hehe!我當然是後台幫手那一類啦！

跟著學生們可以走先，我這個組長要留低開會，傾聽日如果持續落雨的安排。不記得是否這一晚，在酒店的時候，隔離的東莞同學發現了（＄４００事件）。首先，某位同學叫左十幾個同學(有男有女，比例約１對１）齊集一間房，然後打去酒店reception，問有無按摩服務，然後又追問有無「特別」服務，結果初時個reception都還有點正經，搞搞下就反問：「是不是要女孩子陪睡覺呀！四百元一晚！」，之後那位東莞同學追問：「四百元那麼貴，可不可以打折呀！」，個reception話，這些東西怎可以打折。之後個東莞同學謙三謙四，推左唔要「特別」服務啦！真估不到四星級酒店都有這些特別服務，亦不怪得之前一晚睡覺期間（我要充足睡眠，但平叔卻夜夜生歌，結果每朝都是我聽morning call，然後叫他起身，其實個交流團每晚平均睡眠時間不足6小時，都不明白他們點可以晚晚玩到三四點），平叔返房時嘈聲我，自言自話話有個人想四百元去試下，他們全部人都大叫「不好」，話不要因衝動去做傻事，他又話如果那個人堅持，他們願意夾錢被那個人去試，但他們真的不想那個人去做這等事情，此時的我自已都睡到不清不楚，結果沒有點追問他發生什麼事，當然問他亦不會講。

之後行落去大堂，經過間按摩店，果然見到不少穿很少布的女仔wor! hehe! 之後那些中學生本來想去腳底按摩，但最後話間野太污穢了，最後聽聞只有班禽獸男生（和我一齊去個團的平叔的朋友）去左按摩，但實際上做了什麼，我就不知了。就算不是睡覺時間的問題，我亦絕不會去這些地方，因為一接觸這些野，肯定係一種隱，以後都戒不掉，他們連睇x級片都睇到上o西隱，買完一箱又買一箱，一旦被他們試下，豈得了既？而且如果單靠這些東西來享受人生，其實只是反襯出他們的人生是相當可悲的。

Aug 5

第二朝起身，明明又係下雨，又要morning call我們起身去食早餐，頂！根本晚晚不夠睡，我這種人睡8小時都不夠啦！

之後食完野，返房，原來早上係無節目，之後班中學生叫左住另一個wing的Rachel(隔離組組長)o黎一齊玩啤牌。跟著我走係班中學生和東莞團友的兩間房輪流玩啤牌。雖然我的啤牌玩的很差，但係一對住O的東莞團友就戰無不勝，似乎應驗左一句「人外有人，天外有天」。當然一對住班中學生就...期間睇開電視，又是那些垃圾節目，當地的購物台來來去去都是豐胸丸、減肥腰帶，睇劇集的話，右下角總是某某醫院治療性病、乙肝服務多麼便宜，多麼有效。睇鳳凰台時，我最愛的梁文道的節目又剛剛落幕。再唔係，最搞笑係那麼多電視台，幾個同時播同一個電視劇，只不過播的集數，有些播得快些，有些慢些，唉！真的無野好睇。

之後執完check out間酒店，係大堂和幾位東莞團友合照：[10:16]

跟著去左supermarket掃貨，然後去左間藝術館睇畫及睇唱山歌

↑與另一位東莞同學在畫廊內合照[13:22]

之後去左食飯，這一餐我個人覺得算那麼多餐中最好食的，其間談到原來那班某中學生參觀這個團，原團費為$1500，但學費補貼$1200，即係$300就可以玩７天，不怪得那麼多人來啦(好似十幾廿個人）。之後又傾到原來他們入到大學，間中學就會給$6000獎學，可想而知，那間中學教得多麼的差呢！否則個個$6000，間學校那裡有那麼多錢？

↑張相我左手邊的是班中學生和個白色衫東莞女仔
右手邊3個係香港學生，淺藍色衫是「平叔」，再右o的2個是東莞學生(粉紅及黑色衫)

接著當然係去張家界火車站坐火車返港啦!

↑我們已上了車，但火車仍未開行，由此角度可睇到火車內由三層床，連續兩卡車都被我們book了[15:59]

↑火車開了，沿途見到以上景色[16:06,16:13]

之後火車開行一整晚，這次就睡得比較多時間，原因大家都很累。當然亦要傾計的時間，原來東莞團友說東莞本地人很少拿公共巴士，他們一般都屬「地主」階級，會有私家車代步。只有民工或遊客才會坐巴士。因此他們到其他城市，亦會不太懂坐巴士。之後亦要談及比較正經的野如六X事件，民X派搞亂香港? 最主要成日傾的都是香港讀大學是點樣的，住hall做什麼呢? 睇電視習慣大家都差不多一樣,只是新聞被人剪左而己... 其他衣食住行亦有不少相似之處,例如得閒都會唱K,睇戲... 大家的中文寫作水平都係每況愈下，普通話亦很普通。只是他們成日玩SMS,有很便宜的流動上網服務，能使用GPRS或CDMA手機隨時上網，駁埋電腦的話，去全國邊度都可以隨時上網，你話幾「正」呢？

到翌日(8月6日)早上6點15分到達廣州火車站，然後和澳門及東莞其中一部份團友道別，以下是我和東莞團友的合照：

之後就去左東莞太平食早餐，然後和東莞其餘團友道別後就坐船坐香港，本來係東莞時天色都不錯，但一返到香港就風雨交加，坐在船上拋來拋去，返到中港城又黑仔到找不到巴士返北角，結果只有淋住身去尖沙咀地鐵坐車返屋企，灰！

係這個會其實主要做office的工作，詳情主要係打電腦，打電話，有一天該會更搞左個午餐會見到陳啟宗，這個拿美國護照罵人反中亂港的人危言聳聽說民主派過半必定．．．又說民主派是．．．總之唔想講啦！

這個會什麼有錢人都有，連被大陸貪污被通輯呀，在大陸開幾百間超市的台商都有，經歷就係班有錢佬其實什麼都不識，日日都去搞這樣／呢樣活動，忙過不停lo

最近日日都有寫blog，所以無時間再整理這個網站，等到有時間了就發現原來自已已忘記了很多細節野，而且過去一兩個月發生的事，讓我對以前的事，好似漠不關心，哈哈！不過參加這個交流團其實只是近半年我成個人成長的其中一環，與及隨後參加青x的工作令我放開眼界。當然，六月至九月的民意調查亦功不可沒，否則 ．．．總之如果暑假無返到這份工，我不敢想我過去幾個月的生活我究竟是否怎樣過！